مه علی اصغر (زبان حال رباب بعد از شهادت علی اصغرش)

زبانحال رباب بعد از شهادت علی اصغر  ...

نماشـون صحرا خــــور بمــوهه        ته مار بمیره

میـدون بورده علی اصغر نموهه       ته مار بمیره

 

تـــو دمبـه گـره ره خیمه تیناری        ته مار بمیره

یواش من خـونـدمه ته سه لالایی        ته مار بمیره

خـور بمــو خیمه اصغـر پـر هیته        ته مار بمیره

کوچه پس کوچه ره برمه سر هیته       ته مار بمیره

خیمــه دلـــه امشو غــوغـــا بهییه       ته مار بمیره

تـــــه سبزه گـــــــره ور لالا بهییه       ته مار بمیره

ته گلی مشته خـون مه علی اصغر      ته مار بمیره

انگـار خنجر بزو حــرملــه کافـــر       ته مار بمیره

سه شعله تیر  کمونه جا پر هیته       ته مار بمیره

علی ی گلــی بنـــه خـــون بهیته       ته مار بمیره

ته دس بشکنه ای نامـــرد کافـــر       ته مار بمیره

او نداشتی هـــدی اون دمـــه آخر      ته مار بمیره

مگه علی چنده او اونجه خـواسه      ته مار بمیره

تیر دشمن ونــــــه گلــی دمـــاسه      ته مار بمیره

علی بـــرمه نکن دل بــــونه پاره      ته مار بمیره

ته خشک گلــی هسه پاره پاره       ته مار بمیره

وچه تشنا بیهــه طاقت نــداشته       ته مار بمیره

چی تی تیره ونــه گلــی دکـاشته        ته مار بمیره

اسا مــن بی علــی اصغر بهیمـه       ته مار بمیره

عـــــزادار شیشما پسر بهیمــه       ته مار بمیره

***

میر حمزه طاهری هریکنده ای نوپا