مار بمیره جان مار بمیره ... (تقدیم به 25 شهید روستای هریکنده)

شنبه 21 دی‌ماه سال 1392 ساعت 11:25 ق.ظ
http://s5.picofile.com/file/8108344592/%D9%85%DB%8C%D8%B1_%D8%AD%D9%85%D8%B2%D9%87_%D8%B7%D8%A7%D9%87%D8%B1%DB%8C_%D8%B4%D9%87%DB%8C%D8%AF_.jpg

 

مار بمیره جان مار بمیره ...


(تقدیم به همه شهیدان لشکر 25 کربلای مازندران)


مــره یــاد بمـــوهه خلـــه قـــدیما                        مار بمیره جان مار بمیره

نصفــه شــو تسه خــــونسمه لالا                         مار بمیره جان مار بمیره

پسر بــوردی مره هـاکردی تینار                         مار بمیره جان مار بمیره

ترکش بخــردی و بمیره ته مــار                         مار بمیره جان مار بمیره

مــره یــاد بمـــوهه جنگ شلمچه                         مار بمیره جان مار بمیره

  

دس و لینگ بزو اونجه جوون وچه                     مار بمیره جان مار بمیره

مــــره یــاد بمـــو تــه الله و اکبر                        مار بمیره جان مار بمیره

مثه گلــی اونجه تـــو بهــی پرپر                        مار بمیره جان مار بمیره

لشکــــر بینه بیستا پنجه کـــربلا                        مار بمیره جان مار بمیره

اتا اتا چــه جــــــور بهینه فــــدا                         مار بمیره جان مار بمیره

خــور بیاردنه مــه سه نماشــون                          مار بمیره جان مار بمیره

آخــر بمـــو مــه شیر مازندرون                          مار بمیره جان مار بمیره

پسر جان بموهی هاکردی سلوم                           مار بمیره جان مار بمیره

دیگــه مــه انتظار بهیهه تمــوم                          مار بمیره جان مار بمیره

تمومــه ملـــه ره ته نــــوم بهیته                         مار بمیره جان مار بمیره

همــه جا ته عطــر و ته بو دپیته                          مار بمیره جان مار بمیره

تــه جسد ره من هستکــا بدیمــه                           مار بمیره جان مار بمیره

ته بو من شه جوون ریکــا بدیمه                          مار بمیره جان مار بمیره

چنده گتی ننا بــــرمـه تـــو نکن                           مار بمیره جان مار بمیره

خنده خنده گتی حــلالــــم هکن                              مار بمیره جان مار بمیره

ابـــر سیو هـــوا وارش بیــارده                            مار بمیره جان مار بمیره

غـــم و غصه مــره نالش بیارده                             مار بمیره جان مار بمیره

ته همکت تیسابه درمه خیابون                               مار بمیره جان مار بمیره

ته تابوت دره ته دسه رفقــون                                مار بمیره جان مار بمیره

تشنا جـان هـــدایی سنگر کنار                               مار بمیره جان مار بمیره

فشنگ دور کمر قطار به قطار                                 مار بمیره جان مار بمیره

دس و پا بزویی درد داشتی پسر                              مار بمیره جان مار بمیره

هیچکی اونجه راسی نداشته خور                           مار بمیره جان مار بمیره

خش بمویی سره مه خاره ریکا                              مار بمیره جان مار بمیره

بیـــاردنـــه فقـــط تنه هسکــــا                             مار بمیره جان مار بمیره

پسر خو بدیمه هاکردی پرواز                               مار بمیره جان مار بمیره

 مثه کوتر دتا بالـه کــردی واز                              مار بمیره جان مار بمیره

پسر گیرنه سالگـــرد شهیــدون                            مار بمیره جان مار بمیره

جم بوننه مسجد همــه رفقـــون                             مار بمیره جان مار بمیره

تــه عکسه بــزومه اتاق میــون                            مار بمیره جان مار بمیره

شه درده ته سه المـــه درمیون                              مار بمیره جان مار بمیره


 

***

میر حمزه طاهری هریکنده ای نوپا

del.icio.us  digg  newsvine  furl  Y!  smarking  segnalo