X
تبلیغات
رایتل

بیستا بلبل ...

چهارشنبه 5 شهریور‌ماه سال 1393 ساعت 08:13 ق.ظ
http://s5.picofile.com/file/8137299100/%D9%85%DB%8C%D8%B1_%D8%AD%D9%85%D8%B2%D9%87_%D8%B7%D8%A7%D9%87%D8%B1%DB%8C_%D8%A8%D9%84%D8%A8%D9%84.jpg

 

بیستا بلبل ...


بیستا بلبل بیمـه هلــی داره تن

زرد و خسه ، اتـا نـاترینگــه بن

اصلی مه چش دره به مثه شبنم

غصه مره عاجـز هـکـرده کم کم


خدایا مـره درده ، مره درده

لرزنه تنه په ، چه مره سرده


 
 

خشکه چله ی ور مه سره سوهه

قشنگه ماه تی تی مــه روبـروهه

هر جا دلبر شومه ته بک و بـوهه

فکر و خیال مه سر ته وسه سـوهه


خدایا مـره درده ، مره درده

لرزنه تنه په ، چه مره سرده


صداره  سر دمبه مـه درد زیـاده

غریبه شهر هنتا وطـن مه یـاده

درازه راه قـــــدم زمبـه پیـاده

دعا کمبه بـــرسم شه مـــراده


خدایا مـره درده ، مره درده

لرزنه تنه په ، چه مره سرده


سبزه چلـه بیمه زرد بهیمـه زرد

زمسون تابسون درد کشیمه درد

چنتا بهـاره من هاکـردمــه رد

زار و باری ته ور گـد بهیمه گد


خدایا مره درده ، مره درده

لرزنه تنه په ، چه مره سرده


خدایا دیره راه چـه تــوم نهونه

چشم انتظاری تن چه گم نهونه

مـه سردرد کلـه سر آروم نهونه

مه درد چــاره ره پیغوم نهونه


خدایا مره درده ، مره درده

لرزنه تنه په ، چه مره سرده


***

میر حمزه طاهری هریکنده ای نوپا

del.icio.us  digg  newsvine  furl  Y!  smarking  segnalo