X
تبلیغات
رایتل

از خلیج فارس تا دریوی خزر ...

چهارشنبه 1 مهر‌ماه سال 1394 ساعت 12:30 ب.ظ
http://s3.picofile.com/file/8213618742/%D8%AE%D9%84%DB%8C%D8%AC_%D9%81%D8%A7%D8%B1%D8%B3_%D8%AA%D8%A7_%D8%AE%D8%B2%D8%B1_%D9%85%DB%8C%D8%B1_%D8%AD%D9%85%D8%B2%D9%87_%D8%B7%D8%A7%D9%87%D8%B1%DB%8C.jpg

 

از خلیج فارس تا دریای خزر ...


از خلیج فــارس تا مـه خزر راه خــــلوهه

دل نینه قـرار چشخنه ور اصلی ی سوهه


غـــریبه شر و اتــــا کنـار دل دره اون ور

چش واز و دل هـم بی اختیارمتله خـوهه

 

 

تنگ گیرنه مـــه دل چــاره نیه راه درازه

درد کنده سروتن سرخه دیـم ، سـوآله توهه


لـوج بومبه ته سه ، تا کـه نهیرم خـور ته

مــه شعــــرو قلــم اتـا کنار دفتــره روهه


دریــو اینجـه لنج دارنه با مشتا ساحـل لـو

امـا تـــه دهــون روخنـه ی زلالـه اوهــه


شونگ کنده ته دریوهوا که خراب بواشه

قشنگـه تـه تن اون دیــاری کلاکه اوهــه


دریـــو اینجــه تن شــونه دباره انه اینـور

ته او همیشه مشت و زلال ، ساحله لوهه


دریـو دلــه اینجه سوهـه چنتایی جـزیره

ته خـاطـره بیشاره همش کله ره سوهــه


دریو اینجه ور دارنه گنو بلنده و بیشار

ته ور دماوند راسه وطن ره گده کوهه


دریو اینجه تو زنده فراوون آت و آشغال

ته دریوی لـو مشته پر از چلـه و چوهه


ساحل اینجه دار نارنه پر از ماسه و سنگه

ته روبرو انار و تمــوش سرخ و سیوهه


دریا چـه خلیج یا چـه خـزرفــرقی نکنده

دونیم که خلیج ، فارس و وه ایرانه دلوهه


گم نوه ته یاد، طاهری شعردارنه فراوون

با یاد ته دریــوی خــزر، خلیجه لـــــوهه


***

میر حمزه طاهری هریکنده ای نوپا

del.icio.us  digg  newsvine  furl  Y!  smarking  segnalo