عیده نوروزه بوین
Eayde norozeh bavin
ای دباره نوبهاره ، عید نوروزه بوین
Ay debare no behare eayd noroze bavin
بورده دیروز و الانم کاره امروزه بوین
Bordeh diroz o alanam kare amroze bavin
گل بیشار و رنگی رنگی با صفا هسه همن
Gol bishar o rangi rangi basefa haseh hemen
با ونوشه سبزه زار و وقفه پیروزه بوین
Ba vanosheh sabzezar o vaghfe pirozeh bavin
کوه و صحرا ره چمر بیته اسا انه مه گوش
Koh o sahrare chemer bayteh esa ineh me gosh
چکة افرا و سور و توت و آغوزه بوین
Chakehe efra o sor o tot o aghoze bavin
گل هدا شه تنه لا سبزه قوا و روسری
Gel head she taneh la sabze gheva o rosari
زرده نوجه تیمه تال و خندة سوزه بوین
Zarde noje timetal o khandehe soze bavin
چله ره سردی تموم و دل وا کنده ، بنه
Chelere sardi temoma dele va kendeh beneh
گل کتک ره آشتی بیل وگروازه بوین
Gelkatek re ashtihe bil o gervaze bavin
سفره وا بیه به نومه هفتا سین رج بهی
Sefre va bayeh benome hafta sin raj bahi
رقص ماهی ، زلف سبزه ، جشن نوروزه بوین
Raghse mahi zelfe sabzeh jashne noroze bavin
شاخه شاخه سر، تی تی ، لتکا دله ، بیه قشنگ
Shakhe shakhe sar titi letka dele bayeh gheshang
وقت خشی ، بیشه و تیشه و دازه بوین
Vaghte kheshi bishe o tishe o daze bavin
سنبل و نرگس جا ، بیه بهار ، روخنه لو
Sonbol o nargese ja bayeh behar rokhene lo
گوله سر، گنگلی و پاپلی و مازه بوین
Golesar kangeli o papeli o maze bavin