jته نفس آخت توم بهییه ...

ته نفس آخت توم بهییه...

(تقدیم به جانباختگان حادثه معدن طبس)

همه  جای وطن ته  نوم  بهییه

کوچه  پسکوچه ته پیغوم بهییه

فراوون سنگ و گل بن پیدا نی

ته نفس  بیستا بیستا  توم بهییه

به فارسی ...

همه جای کشور ایران نام تورا می خوانند و همه جا خبر از تو می باشد.

زیر آوار سنگ و گل پیدا نیستی و نفس های تو آرام آرام تمام شده است.

نوم: نام

بهییه: شده است

پیغوم: پیغام

پیدا نی: پیدا نیستی

بیستا بیستا: آرام آرام

شاعر: میر حمزه طاهری هریکنده ای نوپا

مل عمو جان (شعر مازندرانی تبری) ...

ملمو جان ...

(خاطراتی از ایام دور تقدیم به ملا عموی مکتب خانه ما)

قــدیـم و خـلـه سالــه ، ملمو جان

دل ور گـپ و حــاله ، ملمو جان

ته خـاطـر هنتا بیشاره مـه سرتن

یـاد هکـردن محـاله ، ملمـو جان

امه جـوز، تکـه پیش و مـلاخنه

همش ماسی مه باله ، ملمو جان

دســا لینگـه فلـک ره یـاد نکمبه

اموهه شونگ و ناله ، ملمو جان

نشونه یاد ته جایزه ، کـه داهـی

آغـوز و پـرتقــالــه ، ملمو جان

هجی کردی جواب دامه ته همکت

الف لام ، دال و ذاله ، ملمو جان

خدایی خله درد داشته هلی شیش

دس و لینگ پزغاله ، ملمو جان

خشــالی بـاریکـــلا مــزه داشته

جواب دامه سئواله ، ملمو جان

اسا مــدرسه دکـل تـرس دنیـهه

فلک نا ،عشق وحاله ، ملمو جان

کجـه بوردی ملمـوجـان بـوینی

کلاس و قیل و قاله ، ملمو جان

ته زحمت ره طاهری شعر بساته

اسـا چنده  خشالــه ، ملمو جان

شاعر: میر حمزه طاهری هریکنده ای نوپا

کار جدید تقدیم به شهید مدافع حرم سید رضا طاهر

کار برای شهید مدافع حرم سید رضا طاهر

پیغوم بمو حرم نا امن بهییه

حرم ور پر از دشمن بهییه

سید رضا سپاهی تن دکرده

بورده غریبه جا وه جنگ هکرده

خله سخته جدایی / همش شو تا صواحی / ته عکس دره دل ور / خوندمه من لالایی

دواره مله عطر خش دپیته

آسمونه چشه وارش بهیته

مدافع حرم پرواز هکردی

دتا دسه خداسه واز هکردی

ته تشنا گلی یه دور / دهی غریبی یه دور/ ته تنه پاره پاره / نارمه نشونی یه دور

هریکنده چه عطر بویی دارنه

مزار شهیدون چه سویی دارنه

بیستا هفتا گل پرپر نمونه

پایگاه شهید چمران نشونه

خله سخته جدایی / همش شو تا صواحی / ته عکس دره دل ور / خوندمه من لالایی

دسته گل حرم سید رضاهه

نوحه خونه حسینه سرجداهه

شه حرف رهبره وه گوش هکرده

شربت شهادت ره نوش هکرده

ته تشنا گلی یه دور / دهی غریبی یه دور/ ته تنه پاره پاره / نارمه نشونی یه دور

پلنگه جور خان طومان جنگ هکرده

بی بی زینب ره اونجه ونگ هکرده

کوتر واری آسمون پر هیته

زندگی ره وه اون راسی سر هیته

ته محمد ونگه وا / هی گنه بابا بابا / چند ساله آزگاره / ونه دل تنگه والله

اسا ته ور مزار خله شلوغه

آستونه ته کنار خله شلوغه

افتخار هریکنده ته هستی

عاشق بیهی خداره دل دوسی

ته محمد ونگه وا / هی گنه بابا بابا / چند ساله آزگاره / ونه دل تنگه والله

شاعر :میرحمزه طاهری هریکنده ای نوپا

تیناری (تنهایی) شعر مازندرانی تبری

تیناری …
(شعر مازندرانی تبری)

انده ونگ هدامه هیچکی مه ورتا اسا نمو
انده گوش بکشیمه مـه دوره ور صدا نمو

گــوم بهیمه من خدا خلتـومه کـه تینارمه
لــوج بهیمه درسی ، دیـاری ونگه وا نمو

چشــه اسری کـلنه نــم نـم وارشه واری
برمه شیرهکرده و مه حال نخاره جا نمو

غصه تپ بزو مره ، بال چنگلی ره ماسنه
درد خلـوهه زندگی ، مه سرخنه صفــا نمو

اینجه نا صحـرا دره نا گـالشونه ونگه وا
هچـــی پنجـــه بـزومه ، چمـره للــوا نمو

گنی تقــدیر منه ! تا کی ونــه درد بکشم
مه کـار و بار زندگی همش کــه اشتبا نمو

اسا ونگ کمبه خدا وه هسه دسه ماسنه
مه نفس با وه رجه ، دل ونه جا جدا نمو

اتی تب زمبی اما راحاتی ره شه زندگی
نمبه شه درد دلـه گمبــه مـه سر بلا نمو

مه حواس گوم بهییه هیچکسه نشناسه وه
شاید دلتنگه ته سه ، مه ور ملـه ملا نمو

انـده شعـر بساتمـه ورق ورق بیـه کتاب
آخه سرنوشت مه وراتا پریک وه را نمو

پیر بهیمه مـه سر مــی درسی اسبه بیه
مه دل بد کنده چمر هنتا خـاره صدا نمو

طاهری ی دل همش روش کشنه اتخله شعر
ونـه لب زمزمه دائم بجــز اون خــدا نمو

شاعر: میر حمزه طاهری هریکنده ای نوپا

نوحه های مازندرانی ...

نوحه زبانحال بانو زینب (س) در روز عاشورا...

زینبمه دتره شیر خدامه           برار ته فدامه

میون کشته ها تره ونگه وامه    برار ته فدامه

چشه اسری میون قتلگامه         برار ته فدامه

برمه گلی میون ته شهدامه         برار ته فدامه

حسین ته فدامه (2)    برار ته فدامه(2)

رقیه چشه اسری دل بیقراره      ته چش انتظاره

همش بابا کنه سر دنه صداره       ته چش انتظاره

خرابه چرخ گیرنه برار همه جاره   ته چش انتظاره

برمه کنده خدایی دل بون پاره    ته چش انتظاره

حسین ته فدامه (2)    برار ته فدامه(2)

برار عباس علم ندارنه  بی دسه        دشمن دسه دسه

برار قاسم حنا با شه خون دوسه      دشمن دسه دسه

علی اکبر جوون سربنده دوسه           دشمن دسه دسه

شیشماهه ته علی حرمله چه پسته   دشمن دسه دسه

حسین ته فدامه (2)    برار ته فدامه(2)

برار جان من اسا علمدار بهیمه       عزادار بهیمه

میون دشمنون گرفتار  بهیمه         عزادار بهیمه

چل تا منزل به منزل بازار بهیمه       عزادار بهیمه

اسیر  دشمنون کفار بهیمه           عزادار بهیمه

حسین ته فدامه (2)    برار ته فدامه(2)

شاعر: میر حمزه طاهری هریکنده ای نوپا

الهی مار بمیره ...

(شعر مازندرانی تبری با ترجمه فارسی)

خیمه مه وسه بیاردنه خور        الهی مار بمیره

بال و پر بزو مه شیشماهه پسر   الهی مار بمیره

گره خالی بدون علی اصغر        الهی مار بمیره

او ندانه وره اون دمه آخر          الهی مار بمیره

لالا لالایی ته قربون      شو تا صواحی ته قربون

ته گلی مشته خون مه علی اصغر   الهی مار بمیره

چتی تیر بزوهه نامرد کافر             الهی مار بمیره

پرپر بزوهه وه بسونه کوتر            الهی مار بمیره

جدایی سخته بشکسه مه کمر       الهی مار بمیره

لالا لالایی ته قربون          شو تاصواحی ته قربون

چن تا تپه او ونه تکه وسه          الهی مار بمیره

مه علی سربازه جلوی دسه         الهی مار بمیره

تشنا وشنایی شه چشه دوسه    الهی مار بمیره

حرمله کافر و وه چنده پسته     الهی مار بمیره

لالا لالایی ته قربون          شو تاصواحی ته قربون

لالا لالا گل لاله      مامان گره

لالا لالا زمبه ناله    مامان گره

لالا گمبه تره خو بیره        مامان گره

دشت و صحراره او بیره    مامان گره

لالا لالا گل خشبو    مامان گره

عمو بورده بیاره او     مامان گره

خالی گره ره دمبه تو       مامان گره

خاموش بیه سره ی سو    مامان گره

لالا لالا علی اصغر     مامان گره

مثه گلی بیه پرپر      مامان گره

شاعر :میرحمزه طاهری هریکنده ای نوپا

نوحه علی اصغر (ع) زبانحال رباب (س) بعد از شهادت علی اصغر(ع)...

علی علی جان      علی علی جان

علی اصغر(ع)              بریده حنجر

بهییه پرپر                    جلوی لشکر

بموهه خور                  وه بورده سفر

بزن شه سرسر            شیشماهه پسر

نداننه او                         وچه دیه خو

مه سره ی سو          مه علی جان کو؟

ندارمه من خو                   گره دمبه تو

ستاره سو                    شمعه کمبه سو

علی مه خشبو                   گره دمبه تو

مه کچکه سرباز            چشه هکن واز

تره دمبه ناز                   دهون بیه واز

دتا دسته واز                  هکردی پرواز

وقته پینماز                        بخونم نماز

گره بونه ساز                     لالایی آواز

ته سبزه گره                  مامان ته گره

کی اینی سره                چش دمه دره

وچه پرپره                      دتا چش تره

خیمه خوره                      زنه شه سره  

 علی مه وره                           بیارم گره

قنداغه پر خون             چشه اسری خون

سر آویزون                      مامان ته قربون

انگار علی جون                 وه بوده میدون

علی خش زبون              مه دل بونه خون

تن و په پرخون                   شهید میدون

شاعر: میر حمزه طاهری هریکنده ای نوپا

رضا بمو ...

رضا (ع) بمو ...

 رضا (ع) بمو اماره شاد هکرده

 صفـا بمـو امـاره یاد هکرده

 امـام هشتمین بمـو کـه بوم

 جهون ره پر ز عدل و داد هکرده

به فارسی ...

 امام رضا (ع) آمد امام رضا (ع) به دنیا آمد و دل های همه ما پر از شادی و سرور و صفا و صمیمیت شده است..

 امام هشتمین به دنیا آمد که با قدوم پاکش جهان را پر از عدل و داد کرده است.

 بمو: آمد

 اماره: ما را 

بوم: بگویم 

هکرده: کرده است.

 شاعر: میر حمزه طاهری هریکنده ای نوپا

در روز معلم تقدیم به همه معلم های عزیز و زحمتکش

تقدیم به همه معلم های عزیز و زحمتکش که یاد نام آنها همیشه در دلها زنده است...

(شعر مازندرانی تبری)

خـوامبه اسا دس بــه قلــم بـــواشم

دسبــوس هچــــــی معلــم بـــواشم

خـوامبه وشونه روزه سه  دواشم

وشونـه نــومـه شعـــر دلــه بپاشم

مه شعـر اسا چه بک و بوره بیته

تــاریک دل افتابـــه ســــوره بیته

کپ خلـــوهـــه قصـه خلـــه درازه

زنـدگی تـن شـونـا پررمــز و رازه

عمـر تجنه انگـار کـه دیروز بیهه

مشق و کلاس مدرسه هرروز بیهه

نومــه معلم شعــــره ســـــو هداهه

دفتـــره شعـــره رنگ و رو هداهه

تــه زمــره جــــا  با ســـواد بهیمه

تـــه زحمتــا بیهه تــه یـــاد دهیمه

خسـه نـــــــواش خسه تنــه بلاره

نیمچـــه ســــو عینکـه تنه بلاره

اسبه می ، سر و صـــورته بلاره

تــــه گـــــدی و ابـــوهتـــه بلاره

اون وقتــا مدرسه ره یادش به خیر

حساب و هنـــدسه ره یادش به خیر

صف کشیمی دعاره یادش به خیر

قـرآن و اون صفاره یادش به خیر

گچ و تختــه سیا مـــه یاد نشــونه

قشنگه تـه صــدا مــه یاد نشـــونه

دیکته گتی ، انشاء مــه یــاد نشونه

خنده  و ونگه وا  مـــه یــاد نشونه

دیــره راه و پیاده مـــدرسه کـــو؟

وارش و تیل و جاده مدرسه کــو؟

دسه ماسی یــاد داهـی ، تـه بلاره

گوش ندامی داد زوهی، تـه بلاره

چـه هــاکنم ، جبــران زحمت بـوه

سلامتی هیچ وقت تـه تــن رد نوه

خــدا دونده هنتـا ته جـــا راضیمه

تـه داد و تـه زمراره حــــالیمـــه

دومبه تــو خـواسی روبرا بهووم

اتـاکــــــاره ی این دنیا بــــهووم

دومبه تـه زحمتاجــا  گــــد بهیمه

سختی هاجا راحات من رد بهیمه

امروزه روز تـره مــوارک باشه

ته زندگی خوبش و خارک  باشه

ته درس بیهه مـن باســـواد هسمه

ته خــوبی ی همش ته یـــاد هسمه

ته مشق و درس دومبه مه یاد نشونه

ته داد و ترس دومبه مه یـاد نشونه

اسا ایـن جــم همــــــه ته تقــدیــرنه

دس بـــوسه شـــه معلمـــه پیــــرنه

چکـــه بـــــــزن معلمــا  بشــدوئن

دس به دعا بــوین همش خار بوئن

یادش بخیر چـه شاد و فعـــال بینه

پیش کشینه درس وهی سئوال بینه

درس دانه تـا مــن و تـو گد بواشیم

بیسوادی ی کـــــوچه  رد  بـواشیم

هنتا مـــــه دل همــون روزاره ونه

هنتا مـــــه دل تختــــــه سیـاره ونه

هنتا مـــه دل بــاریکـــــــــلاره ونه

هنتا مـــه دل کتـــــــــابــه لاره ونه

هنتا مـه دل خــــوانه مـدرسه بورم

صف دکشم میــــــــونه  دسه بورم

ته روزه سـه ملــــه ره جشن دپیته

تـه سه  میـون ، جلسه  سر بهیته

نـومه تو هــرسال امه دل  یـاد بونه

طاهـری شعرخونه ته سه شاد بونه

***

میر حمزه طاهری هریکنده ای نوپا

بورده شه سه (شعر مازندرانی تبری با ترجمه فارسی)

بورده شه سه ...

 (شعر مازندرانی تبری با ترجمه فارسی)

بروشته  روخنه  او   بورده  شه سه

کله سر چایی سوسو بورده شه سه

امه رسم  و  زوون ره  کی بکوشته؟

کئی  بورده  پلا  بو  بورده  شه سه

برگردان فارسی

فراوانی آب رودخانه ها و چای آتشی در گوشه حیاط به فراموشی سپرده شده است.

رسم و آداب و رسوم و زبان شیرین مازندارنی به فراموشی سپرده شده و همه چیز عوض شده است.

بروشته روخنه : جریان آب تند رودخانه

او: آب

بورده شه سه: به فراموشی سپرده شده

کله سر: محلی در گوشه حیاط برای پخت و پز غذا و چای

زوون: زبان

بکوشته: کشته است

کئی: کدو

پلا: پلو

شاعر :میرحمزه طاهری هریکنده ای نوپا

بهار بمو ...

بهار 1403 موارکا ...

بهار بمو هلی دار عاروس بیه

گل ونه لینگه رجه پابوس بیه

بلبل خونه  لتکادله  لوس بیه

کنگلی پاپلی یه جا دوس بیه

خنه خشی دره که دل خش باشه

خدا نکنه دلی ناخش باشه

گت ونه کچیکونه سه پش باشه

دل ونه دله سامونی چش باشه

لج نکن و شه اوقاته ره تل نکن

زندگی ور انده تو کل کل نکن

شه سرنوشته بیخودی ول نکن

مه بیسا دله تو مسلسل نکن

بهار تره امسال موارک باشه

ته زندگی خجیر و خارک باشه

خنده فراوون میونه تک باشه

اتخله پول ته مشته قولک باشه

لتکادله پاپلی واری باشیم

باله ماسه همدیگه یاری باشیم

دشمنه جا همش فراری باشیم

تینار آدمه  قراری  باشیم

عمر آدم شمع واری توم بونه

خدابیامرزی یاد و نوم بونه

جان خدا هچی بویم گوش دنه

اتاره دروازه اتا لوش دنه

دنیاره اینجوری بنا هکرده

بهشت و جندم ره جدا هکرده

الهی که همتایی خش باشین

خدانیاره روزی ناخش باشین

بهار انه بهار شونه یاد نکن

اونی که ندارنه وره شاد هکن

طاهری نوبهاره شعر بساته

خار خاره گپه بیته دل هپاته

***

شاعر :میرحمزه طاهری هریکنده ای نوپا

تقدیم به شهدای مدافع حرم...

تقدیم به شهدای مدافع حرم

پیغوم بمو حرم نا امن بهیه

حرم ور پردشمن بهیه

پسر پیرهن سپاهی  تن دکته

بورده غریبه جا وه جنگ هاکرده

خله سخته جدایی

نیشتمه شو تا صواایی

ته عکس دره دل سر

خوندمه من لالایی

دست و دیمه ورم دل پاره بونه

مدافع حرم دل پاره بونه

ته صورت خون هاشی دل پاره بونه

دست و دیم خاک هاشی دل پاره بونه

وچونه سر و صدا      هی گنه بابا بابا

یک سال آزگاره         امه دل تنگه ولا

ته دیمه عکس تن من دست کشمه

ته آلبوم باز کمه خار خار اشمه

مه دل تنگ بیته ته وسه بابایی

 ته جور پیرن سپاهی من پوشمه

ته بوردی ته وسه دل بی قراره

ته تن پیرهن درستی پاره پاره

ته بوردی آسمون نم نم دهیته

دتا چش درست شبنم بهیته

وچونه سر و صدا          هی گنه بابا بابا

یک سال آزگاره            امه دل تنگه ولا

پسر شیر دیاره علوی یه

به پیرو خط سید علی یه

شه حرف رهبره  وه گوش هاکرده

شربت شهادت نوش هاکرده

ته تشنا گلی یه دا      دری غریبی یه دا

ته تنه پاره پاره        نارمه نشونی یه دا

میر حمزه طاهری هریکنده ای نوپا

یا امام رضا (ع) دستم بگیر

یا امام رضا (ع)  ...

زائـری درمـانـده ام ، دستم بگیر

از نفس افتــــاده ام ، دستم بگیر

آمــــدم بـا اشتیاق تا جـان دهــم

جان نثاری ساده ام ، دستم بگیر

گــــوشه ای چشم انتظار دیـدنت

روبروت ایستاده ام ، دستم بگیر

  

از کـــویری آمـدم پر پیچ و خــم

دل به دریـا داده ام ، دستم بگیر

راه دوری آمــدم ، پـابــوس تـو

من به تو دل داده ام ، دستم بگیر

خــادمـانت می زنند نقــــــاره ها

این من و سجاده ام ، دستم بگیر

جرعـه ای نوشیدم از آب حــرم

یا علـی سر داده ام ، دستم بگیر

گـوشه ای ، آقا کبوتر ها را من

نذری گندم داده ام ، دستم بگیر

دیده گـــریانم خـجل مـن پـر گنه

کاروان جا مانده ام ، دستم بگیر

عاشقـم آقــا ،دارم  پـر می کشم

مستم و این باده ام ، دستم بگیر

بر ضریحت دست من آخر رسید

در صفت آمــاده ام ، دستم بگیر

ضامن آهــــو رضا ، شرمنده ام

این نگـاه سـاده ام ، دستم بگیر

طـاهـری ، گفتا به عشقت آمـدم

مـن پیغمبر زاده ام ، دستم بگیر

***

میر حمزه طاهری هریکنده ای نوپا

شعر مازندرانی شهادت علی (ع) ...

شهادت امیر المومنین علی (ع))

(شعر مازندرانی با ترجمه فارسی)

علــی بـوم علــی شیر خـــــداره

شب نـوزده طـی هـکرده شه راره

به ســوی راه حق وه راهـــــی بیه

تمــــومه انس و جن ره حـــالی بیه

دونسه شه شهیدی ختم عمــــــــره

به وقت صبح اذان و قتل نــومــــره

تو ملجم دوندی که چه کار هکردی

زمین و آسمـــــون ره زار هکردی

مـدینه کــــــوفـــــه ره تنها هکردی

چـه ظلمـی در زمین بــرپـاهکردی

ته ضربت کـوه و دل ره زار هکرده

تمومه جــــای جــــاره ، تار هکرده

علـــــــی فـــزت فـــزت سر هـــدائه

تمـــومــه اهلــــه بالـــه ور هـــدائه

بـه هنگامـــــه نماز وه بی گناهــه

قسم خــــرمه کــه قاتل بی وفاهــه

دتر بـــــی بابا بیه ، بــرمــــه کنده

بی بابا اصلــــی چشه خنـــه کنــــده

سیو پیرنه تن شه جمـــه کنـــــده

دل وا پس بیه وه ای برمــه کنـــده

بورین مسجد بوینین چــه تـــی بیه

امیرالمومنین ره ، چــــه تــــی بیه

علــــی شیر خدا ، در خـــون شناور

بمیره دشمنه نامـــــرد و کافـــــــــر

امشو اهـــل و ملائک خـــــــو دنییه

دیگه ماه و ستاره ســــــــو دنییه

افتاب ره طاقت ســـــو ســـــو دنییه

زمین ره دیگــه هیچ آبــــرو دنییه

علــــی لبخند شادی ســـر هـــــدائه

شه قاتل بی گناهــــی ور هـــــدائه

شه عشقه وه خــدای ور هـــداهه

شه دل ره درسی اون ور هــــداهه

حسن و با حسین بـــی بابا بینــــــــه

یتیم و با مصیبت همـــــرا بینــــــــه

دکتر بمـــــو علــــی درمـــون ندارنه

دیگـــه بی بابا کیجا جــــــون ندارنه

چند روز هسه که دل هی غم زنده غم

خشکــه خــاکه زمین هــی نم زنده نم

علــــی نــــــون آور خلـــــه فقیــــرون

شوها زنبیل به دوش شیهه وه بیرون

چند شوهــه چشم به راهه علــی نه

هـــــــرچــــــی انتظاری کشنـه ، ننه

علـــی بیهه اون زنبیل دوش شــو ها

یواشک ، نکنه ، هیچ کسی دونــــــا

علــــی از درد اسیر دل پـــاره بـــــوه

نــــــدا دکتر امید دل پـــــــاره بــــــوه

خـــــله شیر بمــوهــــه علـــی بخره

علــــی بته هـــدین قـــاتل بخـــــــــره

علــــی جــور آدمی تکرار نهــــونه

علــــی جز خداپیش وه خار نهــــونه

چــــــه تــــــی دنیا دلـــه طاقت بسازه

از این درد عظیم راحــــــــــــت بسازه

طاهـــــــــری عشق الله یا علــــــی با

به ســــــوی حــق تعـــــالی یا علی با

***

ترجمه فارسی

شهادت علی (ع)

علی(ع) را صدا بزنم که شیر خدا لقب اوست و شب نوزدهم توسط ابن ملجم ضربت خورد ه است,

به طرف خدای خود حرکت کرد و تمام انس و جن برایش عزاداری می کنند,

می دانست که در این روز و به هنگام و موقع اذان به شهادت می رسد,

و تو ای ابن ملجم هیچ می دانی که چه کسی را به شهادت رساندی که آسمان و زمین همه می گریند,

و مدینه و کوفه از این بابت تنها شده است و برای یک سری آرزو ها این کار را انجام دادی,

و این ضربتی که وارد کردی دلها را نگران کرد و همه جای زمین را در ماتم فرو برد,

علی (ع) بعد از ضربت خوردن صدای فزت سر داده است و تمامی فرشتگان را در کنار خود دید,

به هنگام نماز صبح بود و امیر المومنین بی گناه بود و به خدا قسم می خورم که قاتل بی وفا بود,

دختر علی(ع) از این واقع بسیار گریه می کند و اشکهای زیادی از دیدگانش می چکد,

پیراهن مشکی را به تن می کند و از نبود پدر خیلی گریه می کند,

به طرف مسجد بروید که چه بر سر علی(ع) آمده است ,

علی (ع) با این ضربت در خون شناور است و لعنت بر دشمن کافر که چنین کرده است ,

امشب(شب شهادت) تمامی فرشتگان بیدارند و تمامی ستاره ها و ماه هیچ روشنایی ندارند,

آفتاب هم نمی خواهد طلوع کند و دیگر برای زمین آبرویی وجود ندارد,

علی(ع) از این همه درد لبخند شادی میزند و قاتلش را بیگناه می داند,

و علی(ع) از اهل و عیالش خدا حافظی می کند و به خدای خود فکر می کند,

امام حسن وحسین دیگه بی بابا و تنها شدند,

طبیب برای درمان آمده و دیگه امیدی وجود ندارد و دختر از دوری پدر بیهوش شده است,

چند روزی است که از دوری علی(ع) دلها همه نگران هستند و اشکهای زیادی از چشمها جاری ا ست ,

علی (ع) برای فقیران در هنگام شب نان و غذا پخش می کرد.

و الان چند شبی است فقیران چشم به راه نان و غذا از طرف مولا هستند و هرچه منتظرند مولا نمی آید.

آن مرد زنبیل به دوش مولا بود و این کار را یواشکی انجام می داد.

و علی(ع) از درد زیاد بسیار ضعیف شده است و طبیب دیگه نا امید شده است,

کودکان بینوا شیرهای زیادی برای مولا آوردند و مولا فرمودند شیر را برای قاتلم بفرستید.

مانند علی آدمی وجود ندارد و درمان علی (ع) در نزد خدا می باشد.

چطور دنیا از این غم بزرگ سپری شود و راحت بگذرد,

طاهری در جستجو و حرکت به سوی خدایت علی(ع) را صدا بزن,

***

میر حمزه طاهری هریکنده ای نوپا

بهار بمو ...

بهار بمو ...

(بهار 1402 موارکا باشه)

بهـار بمــو بهــار ، تـی تـی درنه

پیغـــوم هـــادین که سال اتی درنه

 
ونــوشه نــــوج بــزو بیشار بهییه

ککیمــار لمـــه تن ســـــوار بهییه

 
هلـی دار اسبه پیــرن تــن دکــرده

عمــو نورز همـه ره ونگ هکرده


پرس خــو و هنیشتن دیگـــه وسه

هلــو دار تی تی صـــــورتی دوسه

 
بلبل خـــونه بهـــار نـــو ره دارمی

لتکاسر ونـــوشه ی بـو ره دارمی

 
تپه سر اوجـــی و زلنگــه بــــوهه

کیله سر بور بـوین نعنـای بــــوهه


هفتا سین رج بونه سفره ی میون

سره سره اینه ، ات خلـــه مهمون


خش بمــونی شمه بهــار مـــوارک

سلامتی دارین خـار خـار مـــوارک

 
وچـــونـــه ویندنی چــه شـادی کنه؟

کلکسر جمــــع بهینه بـــــــازی کنه

 
علـــف ذوخ کنـده گــــــله ور بهیته

پاپلـــی اینجــه اونجـــه پــــر بهیته

 
بهـــــاره ای بهـــــاره ای بهـــــاره

سر بـزن اون مریضی کــه نخـــاره

 
الهــی هیچ دلــــی نــاخش نبــــاشه

خیر و خشی همــه وســــــه دواشه

 
بهار نو    ونوشه    لاره    دارمــــی

خشالمـی غـــــم و غصه نـدارمـــی

 

طاهـــری را دکــف تـــه را زیـــاده

چش به رانـــه ملــــه ته خـــانواده

***

شاعر :میر حمزه طاهری هریکنده ای نوپا

تقدیم به مادر که یکسال بدون او زندگی گذشت ...

تقدیم به یک سال بدون تو ...

اتا سال  توم  بیه  دل بیقراره

ته جا خالی یه مامان ته بلاره

بهار اتی  پیدا  بیه  پیدا نی

غم و غرصه کوفا بیه پیدا نی

ته یاد و نوم مه خاطر برقراره

گل و شمع سوسو زنده ته مزاره

چشه اسری ته وسه بیه وارش

کیجا  ته سه هنتا کنده نواجش

ته ور صلح و صفا مه یاد نشونه

نماشون ونگه وا مه یاد نشونه

دتا چش ته وسه کم سو بهییه

خنه دیگه ته بک و بو بهییه

ته مزار نیشتمه شمعه سو کمبه

ته هامته  جاره امبه  بو کمبه

مامان تره دور و اینتی نخوامبه

بهار بی ته گل و تی تی نخوامبه

چشه اسری سونه وارش بهییه

تن و په درد کنده ناخش بهییه

مامان ته دوری مره پیر هکرده

برمه  دیم و دیاره شیر هکرده

ته عکسه ناز دمبه طاقچه بالا

تو  دمبه  خوندمه  لالایی لالا

ته خاطر دل سامون یور نشونه

ته ذکر و فکر خدایی دور نشونه

امه خنه ی سو پر بزو  بوردی

همش خو ویمبه خو پر بزو بوردی

وجین کردی صحراره ته بلاره

دعا کردی اماره ته بلاره

ونگ کردی شه خداره ته بلاره

دوس داشتی دیر راره ته بلاره

تو اونجه در پناه شه خدایی

تو از زخم و جراحت هم شفاهی

بورم آسونه سر دخیل دوندم

سبزه پارچه ره اونجه ذیل دوندم

آخه مریض بیهه آرزو داشته

همش شه تن پیرن سیو داشته

دعا کمبی همش یاد ننامی

خدای ور که دری روبرامی

ته شاعر چند تا بنده رو هکرده

شه دل ره با بنویشتن سو هکرده

طاهری نومه ماره یاد هکرده

غریبی ونه روحه شاد هکرده

***

میر حمزه طاهری هریکنده ای نوپا

شعر بی نقطه ...

شعر بی نقطه …
(در مقام امیرالمومنین علی (ع) )

در راه و دل هر کاری، علی (ع) گو
سالاری و سرداری ، علی (ع) گو

مولا گو علی (ع) مردی دلاور
حاکی که مرا ، حالی ، علی (ع) گو

محرم همه اسرار دو عالم
رهرو همه همراهی ، علی (ع) گو

مولا گو مدد سرمد گلها
طومار دعا عالی ، علی (ع) گو

همراه و وصی راه محمد(ص)
همدم همه دلداری ، علی (ع) گو

عالم همه اسرار دو عالم
در وصل دلا هادی ، علی (ع) گو

دل حال و هوای حرم او
الگو همه اسلامی ، علی (ع) گو

دل سوی حرم طاهری دارد
در راه و دل هر کاری، علی (ع) گو

***
میر حمزه طاهری هریکنده ای نوپا

ملمو جان ... (شعر مازندرانی تبری تقدیم به همه معلم های قدیم که یادش به خیر)

ملمو جان ...

(خاطراتی از ایام دور تقدیم به ملا عموی مکتب خانه ما)

قــدیـم و خـلـه سالــه ، ملمو جان

دل ور گـپ و حــاله ، ملمو جان

ته خـاطـر هنتا بیشاره مـه سرتن

یـاد بکـردن محـاله ، ملمـو جان

امه جـوز، تکـه پیش و مـلاخنه

همش ماسی مه باله ، ملمو جان

دســا لینگـه فلـک ره یـاد نکمبه

اموهه شونگ و ناله ، ملمو جان

نشونه یاد ته جایزه ، کـه داهـی

آغـوز و پـرتقــالــه ، ملمو جان

هجی کردی جواب دامه ته همکت

الف لام ، دال و ذاله ، ملمو جان

خدایی خله درد داشته هلی شیش

دس و لینگ پزغاله ، ملمو جان

خشــالی بـاریکـــلا مــزه داشته

جواب دامه سئواله ، ملمو جان

اسا مــدرسه دکـل تـرس دنیـهه

فلک نا ،عشق وحاله ، ملمو جان

کجـه بوردی ملمـوجـان بـوینی

کلاس و قیل و قاله ، ملمو جان

ته زحمت ره طاهری شعر بساته

اسـا چنده  خشالــه ، ملمو جان

***

میر حمزه طاهری هریکنده ای نوپا

دل تش هیته ... (شعر مازندرانی تبری ، تقدیم به مادرم که چهل روز از بین ما رفت)

دل تش هیته ...

مامان بوین ته وسه دل تش هیته
امه خنده خشی  ، منزل تش هیته
دیگه  بی ته  ، بهار  ماره  نخوامبه
لت و  لتکا ، گل و بلبل  تش هیته

مادرم نگاه کن دلم از دوری تو آتش گرفت و خنده و خوشحالی ما تمام شد.
دیگر بهار برای من معنی ندارد و باغ و صحرا و گل و بلبل تمام شده است.

روحش شاد و یادش گرامی

لتکا: باغ      ته وسه: برای تو        بوین: نگاه کن     تش: آتش

ته که دوندی (شعر تبری مازندرانی تقدیم به مادرم که به سوی خدا پرواز کرد)

ته که دوندی ...

ته که دوندی بی ته از پا کفمبه
درسی لوج  بومبه صحرا  کفمبه
ته که دوندی  اگه بوری نگردی
تیساپه  لینگی  ته همرا کفمبه

تو که می دانی ...

تو که می دانی بدون تو از پا می افتم و دیوانه می شوم و به طرف صحرا می روم.
تو که می دانی اگه بری و بر نگردی پابرهنه به سمت تو حرکت می کنم.

روحش شاد و یادش گرامی

تقدیم به مادرم که چهل روز در بین ما نیست ...

چهل روز است هنوز دلها بیقرانند و چشمها بارانی است و این دلنوشته زبان مادری ام است. تقدیم می شود به مادری مهربان و دلسوز که حاکی از تلاش و زحمت او در زندگی می باشد که هیچ وقت از خاطرم فراموش نمی شود.

جان مار ته فدامه  /  چش انتظاری نکن

ته اسری دور بگردم / هی بیقراری ، نکن

روز و شوی ناختی / مه برمه جا ، بیداری

هی گره ره تو دایی / نصفه شو تا صواهی

ته خنده دور بگردم  /  مه دل ره جلا دنه

ته دلواپسی مره  /  گج کنده  بلا دنه

ته کله ی اسبه می  /  درسی ، آسمونه

ته رنگی رنگی چرقد  / مه وسه سایبونه

ته دسه پینه ی دور /   چنده ترک دوسه

ته نیمچه سوی قربون  / نم نم  پرک دوسه

بی تو دنیاره کورمه / هر چن غریبه جامه

ته پیش امبه ، جان مار / بوم تا ته فدامه

یاده مره دوش گیتی  / تکون دایی پشته سر

لاقمه ره دهون گیتی / چکه زویی سفره سر

بازار شیهی ، لنگن سر / مومله کردی ، تیناری

ذوخ کردمی ، خرینسی / خردنی و شلواری

ته زحمته سه بوم  / صواحی تا نماشته

فکا زوئی لتکاره  / واش و علف که داشته

کهنه چادر کمر سر /  دپش دوسی داشتی

دشته کنار تیل چه جور / لچر تا  اوسی داشتی

کتک زوئی لوبیا  / باکله ی ماریمه

پاتی حیاط دونه پاچ / سازه زوئی شه دیمه

ته سره دور بگردم / سرپیته کش بار گیتی

آسوک آسوک تو متی / د دسی شلوار گیتی

خسه تن و خسه لینگ / خنه تو هم کار بیهی

سمباره بن دون بلار / شه شام و ناهار بیهی

کله سره  ، ته پلا  / هیچ وقت مه یاد نشونه

ته پوف و چشه اسلی / اون وقت مه یاد نشونه

 گد بهیمه ته زمر /  ادب مره ور بدا

ته درس و مشق  ات خله / گدی مره پر بدا

دیگه بوردی جانه مار /  پر بزویی آسمون

بوردی خدای سامون / راحات بهی تو مهمون

چهل روزه دل پر از غم / چشه اسری بن ننه

هچی کلکسر شومه  /  مامان کبری تن ننه

مه جانه مار زندگی  /  هفتاده رد نکرده

شیشتا پسر دتره / نداشتی گت هکرده

ماه تی تی ره آسمون / خله پیغوم هدامه

حتی غریبه جاره  / مامان ته نوم هدامه

چی بوم من ته نومه / نمونه ای فرشته

شک نکمبه ته جا هم / خدای ور بهشته

خله دله تش بزو  /  اینتا شعره جدایی

ریکا مارسه تن تن / شعر بنویشته فدایی

طاهری دنیا دله  /  یاد اون روزا هکن

تا ته نفس رج هسه  / شه مامانه یاد نکن

***

میر حمزه طاهری هریکنده ای نوپا

جان مار ته فدامه ...

جان مار ته فدامه

جان مار ته فدامه

چش انتظاری نکن

ته اصلی دور بگردم

هی بیقراری ، نکن

روز و شوی ناختی

مه برمه جا ، بیداری

هی گره ره تو دایی

نصفه شو تا صواهی

ته خنده دور بگردم

مه دل ره جلا دنه

ته دلواپسی مره

گج کنده  بلا دنه

ته کله ی اسبه می

درسی ، آسمونه

ته رنگی رنگی چرقد

مه وسه سایبونه

ته دسه پینه ی دور

چنده ترک دوسه

ته نیمچه سوی قربون

نم نم  پرک دوسه

بی تو دنیاره کورمه

هر چن غریبه جامه

ته پیش امبه ، جان مار

بوم تا ته فدامه

یاده مره دوش گیتی

تکون دایی پشته سر

لاقمه ره دهون گیتی

چکه زویی سفره سر

بازار شیهی ، لنگن سر

مومله کردی ، تیناری

ذوخ کردمی ، خرینسی

خردنی و شلواری

ته زحمته سه بوم

صواحی تا نماشته

فکا زوئی لتکاره

واش و علف که داشته

کهنه چادر کمر سر

دپش دوسی داشتی

دشته کنار تیل چه جور

لچر تا  اوسی داشتی

کتک زوئی لوبیا

باکله ی ماریمه

پاتی حیاط دونه پاچ

سازه زوئی شه دیمه

ته سره دور بگردم

سرپیته کش بار گیتی

آسوک آسوک تو متی

د دسی شلوار گیتی

خسه تن و خسه لینگ

خنه تو هم کار بیهی

سمباره بن دون بلار

شه شام و ناهار بیهی

کله سره  ، ته پلا

هیچ وقت مه یاد نشونه

ته پوف و چشه اسلی

اون وقت مه یاد نشونه

 گد بهیمه ته زمر

ادب مره ور بدا

ته درس و مشق  ات خله

گدی مره پر بدا

چه مزه دارنه امروز

اینتا شعر نوپایی

ریکا ماره سه تن تن

دل بنویشته، فدایی

***

میر حمزه طاهری هریکنده ای نوپا

امسال یلدا بی سرصدا ...

امسال گت چله شو ، بی سرصدا ...

برو تا دلخشی ور جا بهیریم

چله شوره بی سرصدا بهیریم

برو تا سالدیگه خدا بخواسه

همتـایی  خنـه  یلـدا  بهیریم

به فارسی ...

بیا امسال بدون سرصدا و دور از اطرافیان جشن شب یلدا را بگیریم و در کنار هم دلخوش و سلامت باشیم.

بیا تا سال دیگر اگه عمری باقی ماند در کنار هم جشن یلدا بگیریم.

***

شاعر :میر حمزه طاهری هریکنده ای نوپا

اهل روستایم ...

اهل روستایم ...

همچو سهراب می نویسم

اهل روستای شمالم

سرزمینی سبز و خرم

دل نوشتم حس و حالم

می نویسم جایگاهش

خطه ای در شهر بابل

قامت کوه دماوند

باغ و دشت و سبزه و گل

در بهاران پای نارنج

می رسد عطر از کرانش

می کند دل عاشقانه

شکر خالق در بیانش

عاشق شعر و ترانه

با قلم من آشنایم

 غربتم هرچند دورم

از وجودش روبراهم

می چکد از خاطر من

 واژه هایی از درونم

می نویسم در مقامش

 هرچه از آنجا می دونم

در نسب از نسل آرش

عاشقانه در پی کار

رهرو راه شهیدان

جمله پیروزند و بیدار 

وسعت  صحرا نمایان

 تا به شالیزار و باغش

رویش گلهای رنگی

 نغمه ها ی بلبلانش 

جلوه ای بر دامن دشت

رحمت و لطف خدایی است

در بهار و فصل کوشش

وقت خوش آنجا صفایی است

 با طراوت ، باغ و بستان

بلبلانش شاد و سرخوش

وصلت گلهای رنگی

لذت زیبای آغوش

بر کران جویباران ،

 بوی نعنایش هویدا

سبزه گشته است زین عنایت

عاشق و سرمست و پیدا

آخر این گویم به شعرم

بهتر از هر روز و دیروز

جای جایش سبز و آباد

مردمانش جمله پیروز 

طاهری در بند کنجی

گرچه آرام است و آسان

بر جمال  و  وصف  روستا

دل بسازد  شعر  فراوان  

***

میرحمزه طاهری هریکنده ای نوپا

سال 1531 تبری موارکا ...

سال 1531 تبری موارکا.. .

اول فردینه ماهه سال نوهه مازرون
جم بهینه شادی کنه همتا پیر و جوون
رقص و بازی مشته سرنا و للوای چمر
خنده خشحالی دپیته از بنه تا آسمون

ترجمه فارسی
اول فردینه ماه آمده و برابر با دوم مرداد ماه و سال جدید تبری می باشد و همه جا جشن و شادی بر پا شده است.
بازی های محلی و ساز و نوا بر پا شده است و خوشحالی در همه جای ایران مهیا شده است.

شاعر: میر حمزه طاهری هریکنده ای نوپا

دو شعر مازندرانی به مناسبت هفته جهاد کشاورزی

دوشعر زیبای مازندرانی به مناسبت هفته جهاد کشاورزی با ترجمه از میر حمزه طاهری هریکنده ای نوپا

1-    شعر زیبا مازندرانی در مورد کشاورزی تقدیم به پدر کشاورزم

دل ره صحرا بدایی داز و فکا گیرنی شه دوش
اسبه سارخ چوی تن نون و پلا گیرنی شه دوش

دلت حال و هوای صحرا را کرده و وسایل کشاورزی در دستان توست و در پارچه سفید غدایت را به همراه داری.

بیل و گروازه شه دوست و رفق دوندی آقا جان
خسه تنه دیینی تور و حلا گیرنی شه دوش

پدر عزیزم بیل و داس را خیلی دوست داری و به هنگام مراجعت به خانه با تنی خسته هیزم ها را به همراه داری.

تور و تاشه هنه کوله سو هداهه ته بوین
ناماشون دیمه خنه پیته قوا گیرنی شه دوش

با وجود تبر و تیشه زمینها آباد شده است و به سوی خانه آمدن کت کهنه را روی دوشت می گیری.

لله چو دیمه صحرا دسه عصا هسه تره
سنگین کنده چوره یا مرتضی گیرنی شه دوش

با نی که در دستان تو به سوی صحرا همانند عصا می باشد و چوب بسیار بزرگ را با صدای یا علی بلند می کنی.

تنه تو کار بدایی خسه نواش من ته فدا
همه ره راهه خدا بی سرصدا گیرنی شه دوش

خیلی زحمت می کشی و من فدای تو بشوم و این کارها را بی سر و صدا انجام می دهی.

مسه چش وا هکنی لطف خداره اشنی
کیسه کیسه روزی ره نومه خدا گیرنی شه دوش

چشم های عاشقانه ات را باز کن تا لطف خدا را ببینی و این همه روزی در کارت را با لطف و برکت خدا مشاهده می کنی.

اونقدر مسه کار هسی خسگی نارنی وجود
دوندی کر دسه ره کوفا کوفا گیرنی شه

اونقدر مشغول کاری که خستگی را احساس نمی کنی و همیشه به فکر کار هستی

.

2- شعر زیبای مازندرانی به مناسبت هفته جهاد کشاورزی با ترجمه

ای بینجه کر ای عشق کار
ای هسی تو کاره سوار

ای کشاورز ای که عاشق کار و تلاش هستی و همیشه در حال کار و کوشش هستی.

دائم تو باشی برقرار
داری همیشه تنه خار

انشاالله برقرار و جاویدان باشی و همیشه تندرست باشی.

ای هسی تو سعی و تلاش
ته زحمت آخر هسه تاش

ای که همیشه در تلاش و کوشش هستی و مزد تلاش خود را در موقع درو بر می داری.

بهار بمو شه کاره سر
ورز موقع زمینه سر

با آمدن فصل بهار کار و کوششت شروع می شه و در کنار زمین حاضر می شوی.

گوشه ره گیرنی تیمه جار
ونه دله ره کندی خار

کوشه ای از زمین را برای خزانه برنج آماده می کنی و آنجا را برای بزرگ شدن برنج آماده می کنی.

با چند تا مرزه دوره ور
اسا شه کاره گیرنی سر

و دور تا دور خزانه را با مرز مشخص کرده و آماده کار می شوی.

اینجه اونجه ره لینگه لو
با لله جا گیرنی پیسو

با پای برهنه داخل خزانه را لگد مال و آماده و مسطح می کنی.

تیم جاره کندی مشته او
دشت کناره کندی سو

بعد از مسطح شدن خرانه آن را پر آب می کنیم .

ته تیمه بینج اوی دله
خیر و خشی خنه دله

بعد با شادی بذر های نمونه شلتوک را که قبلاٌ آماده کردیم داخل آب قرار می دهیم .

قاطی نمک با ظرف او
با خشحالی گیرنی چکو

با مخلوط نمک در آب شلتوک های پوک از شلتوک تو پر جدا می شود.

روزی دبار با گرم او
یواش یواش تیم بونه سو

و روزی دوبار به آن آب گرم می پاشیدند و یواش یواش شلتوک جوانه می زند.

اسا شونی زمینه لو
با میس پاشنی روبرو

و بعد از جوانه زدن شلتوک آن را به داخل خزانه می پاشند.

چنگ چنگ دهیل تیم جاره سر
موارکوا ته دوره ور

یواش یواش به طور دقیق جوانه ها را به داخل خزانه ریخته می شود و همسایه ها مبارکباد می گن.

مرزه بالا شه اینوری
شیرنی دنی تیم جار سری

و خودت هم بالای مرز با شیرینی (تیم جار سری) پخش می کنی.

با لله جا کندی پچیم
نایلونه وا کندی شه دیم

با نی بالای خزانه را می پوشانی و روی آن را با پلاستیک می پوشانی.

گرم دکفه ته تیم جار
نوج بزنه بینج خار و خار

با پوشش و آماده سازی جوانه ها سبز شده و منظره زیبایی تشکیل می شود.

اسا ته تیم بونه نشا
زمین نشا بونه شه جا

و بعد از بزرگ شدن جوانه ها (نشا) نشا کاری روی زمین شروع می شود.

دسه جمی فصل نشا
ریکا کیجا مرد و زنا

و همه باهم شروع به نشا می شویم .

وجین بزو دسه جمی
گرمی هوا و او کمی

بعد از نشا کاری همه برای وجین آماده می شویم با وجود کمی آب و گرمی هوا.

با لینگلو گیرنی تراک
سامونه مرزه زندی چاک

با وجود خشکسالی ترک ها را با پا محو می کنیم و آب بیشتری به شالی زار وارد می کنیم.

نا راحتی نا دارنی خو
دشته کنار تا نصفه شو

با این وجود آرام و قرار نداری و تا نصف شب در شالیزار هستی.

بینجه دله کندی هدار
قل دارنه جا ره گیرنی وار

از میان شالیزار رفت و آمد می کنی و از هدر رفتن آب هم جلوگیری می کنی.

ته نشا اسا بونه گد
وجین و اوره کنده رد

نشا تو حالا دیگه بزرگ شده است و دیگه به وجین و آب هم نیازی ندارد.

چیلکا مرزا ره تاشنی
اسبه کوده هی پاشنی

با وجود علف های زیاد روی مرزها آنها را پاک می کنی و کود های رشد را می پاشی.

بینج اسا بیه بی چکو
گنی برو ته دره کو

شلتوک ها حالا دیگه رسیده است و آماده دروی آنها می شوید.

تاشنی اینجه اونجه ره
ناز دنی مشته غوشه ره

دیگه مشغول درو می شوی و از دیدن غوشه های زیبا لذت می بری.

ای خاخر و جان داداش
بن تر بزن خار خار بتاش

به بقیه در درست درو کردن سفارش می کنی.

ته دتا چش دره هوا
ونگ دنی شه جان خدا

به آسمان نگاه می کنی و خداوند را صدا می زنی.

نکنه بباره وارش
مه کار و بار بوه ناخش

و می گی نکنه هوا بارون بزنه و محصول امسال را خراب بکنه.

گرم که باشه ته کسو چنگ
کومپا زنی ره کنده ونگ

وقتی هوا گرم باشه موقع خرمن کوبی هم فرا می رسه.

کر بزه بیه کیسه بار
چند تا هکرده ای برار

و بعد از خرمن کوبی کیسه ها بار می شند و از تعداد محصولت سئوال می کنی.

کیله زندی نوم علی
زمین دله تو خلخلی

با صدای یا علی به جمع کردن محصول می شوی و آرام و قرار نداری

گنی خدا برکت هدا
مه روزی ره حرکت هدا

می گی یه بار دیگه خداوند به من برکت داده تا به زندگی ام سر و سامان بدهم.

اگه خدا بوه رضا
پابوس بورم امام رضا

اگه خدا راضی بشه به پابوسی امام رضا برای زیارت بروم.

تازه وه کاره راحته
کشاورزی د ساعته

با آمدن تجهیزات جدید کشاورزی کارکشاورزی آسان شده است.

الان بمو کومپای گد
گد گده کره کنده رد

و کمباین های بزرگ و جدیدی آمده و کار را خیلی آسان کرده است.

صبح تا غروب جینگا سری
بورده دیگه وه اونوری

و از صبح تا غروب کارکردن و خرمن کوبی تا شب دیگه تمام شده است.

هر چی بوم از قدیما
کم بتمه از وشونا

و من هم با وجود سختی های کار قدیمی ها هر چه بگویم کم گفته ام.

یاد وشون نهونه گوم
مه شعر جا نهونه توم

و هیچ وقت یاد و خاطره آنها از ذهن و شعر من گم نمی شوند.

شاعر : میر حمزه طاهری هریکنده ای نوپا

تقدیم به تیم فوتبال خونه به خونه بابل ...

تقدیم به تیم فوتبال خونه به خونه بابل

امه خونه به خونه قهرمانه
ونه نوم و مقوم ورده زبانه
حـریفـونه،   ات اتا وه بورده
وه تیمـه بابلـه مـــازندرانه

ترجمه فارسی

تیم فوتبال خونه به خونه بابل همیشه قهرمان است و نام و مقامش به هرکجا پیچیده است.
در همه ی بازی ها حریفان را برده است و تیمی از شهر بابل مازندران است.

میر حمزه طاهری هریکنده ای نوپا

بهار 97 در اینه ...

بهار97  در اینه ...

بهـار بمــو بهــار ، تـی تـی درنه

پیغـــوم هـــادین که سال اتی درنه

ونــوشه نــــوج بــزو بیشار بهییه

ککیمــار لمـــه تن ســـــوار بهییه

 

زبانحال مادر (تقدیم به شهدای نفتکش سانچی)

زبانحال مادر

تقدیم به شهدای نفتکش سانچی ....

وطن دریودلونه نوم بهییه

همه ی نفس اونجه توم بهییه

وچه شه جان نثاره دور بگردم

تش و اوی دله وه گوم بهییه

***

میر حمزه طاهری هریکنده ای نوپا

میلاد امام رضا (ع) ...

میلاد امام رضا (ع)

رضا (ع)بمو اماره شاد هکرده

صفا بمو امـــاره یاد هکرده

امام هشتمین بمـــو که بوم

جهونه پر ز عدل و داد هکرده

ترجمه فارسی

امام هشتم به دنیا آمده و دنیا همه در غرق شادی هستند.

و با آمدنش به این جهان ، همه جا پر از عدل و داد برقرار می گردد.

***

میر حمزه طاهری هریکنده ای نوپا

ملمو جان (یادی از دوران قدیم تقدیم به ملا عموی مکتب خانه )

ملمو جان ...

(خاطراتی از ایام دور تقدیم به ملا عموی مکتب خانه ما)

قــدیـم و خـلـه سالــه ، ملمو جان

دل ور گـپ و حــاله ، ملمو جان

ته خـاطـر هنتا بیشاره مـه سرتن

یـاد هکـردن محـاله ، ملمـو جان

هچی بوم مه شعر تموم نهونه ...

ای چی بـوم از ننا و گد ببا ، هچی گمبه مه شعر تموم نهونه...

ای چـی بــــوم از ننا و گـــــــد ببا

هچی گمبه مــه شعر تمــوم نهـونه

ای چی بوم اون صلح و صفای سه

خـــدا وری ، مـه شعر تموم نهونه