امیری و طالبا (داستان زهره و طالب)

به نام خدا

اشعار امیری و طالبا امروزه در بین مردم مازندران از اهمیت خاصی برخوردار می باشد و مازندرانی ها در مراسم و جشن ها به خواندن اشعار امیری و طالبا می پردازند ، طالب اهل مازندران بوده که به روایتی شاعر و ملا بوده که علاقه خاصی به زهره  داشته و طالب مادر نداشت و با مادر ناتنی خود با پدرش زندگی می کرد که کم کم حس حسادت در مادر ناتنی طالب نسبت به او زیاد می شود و با خوراندن او با سم طالب مسموم

می شود . و تا کنون اشعار زیبای طالبا هنوز هم در بین مازندرانی ها خوانده می شود . روحش شاد یادش گرامی

امیری

اول  بوم  بسم الله   نوم   خداره

صلوات برس بر محمد صل الله ره

خله مرد خامبه جواب بوه الهی

یونس پیغمبر دره شکم ماهی

دریا پشت آب بند و آب پشت ماهی

ماهی پشت آب بند و سر الهی

***

بوم  یا علی  سو  دکفه  امه  دل

علی  باله ماس  هسه  قیامت  پل

قیامت  پل  یه  موی  نازکی  یه

چند تا بی نماز اون پله یور نشی یه

***

حسن و حسین (ع)  فاطمه  بزاره

عجب نوری پاک داشته وشون دتاره

امیر المومنین (ع)  وشون  بابا هه

ونگ هکنم  ونه  خواره  صداره

***

امیر باته یک بار بورم جوون بهووم

کله  سنگه  دشته  جوون    بهووم

بورم  مدرسه  قرآن  خون  بهووم

پیش محمد(ص) رو گردون نهووم

***

ناماشون صحرا وا  دکته صحراره

داره  چله  چو  بورده  مه   قواره

تازه  بوره  شیر  دکفه  مه  پلاره

خبر  بمو  ورگ  بزو  مه  گیلاره

***

دریوی کنار بدیمه یک ستاره

قنبر جلو دار شاهه مردان سواره

شاهه مردان برس مه مدعاره

بورم کشه بزنم قبر امام رضاره

***

سئوال و جواب امیری

این نوع از اشعار به صورت سئوال و جواب مطرح شده است که به نوبه خود از اهمیت خاصی برخوردار می شده است و سئوال کننده سئوال خود را مطرح می کرد و جواب هم به صورت شعر جواب داده می شده است:

کدوم روزه که افتاب یک نم درنه؟

زمین مرس بون و چشم کفا درنه؟

کدوم شخصه که گارز گرنه و تن انه؟

کدوم شخصه که به داد ملت انه؟

روز قیامت هسه افتاب یک نم درنه

زمین مرس بونه چشم کفا درنه

جبرئیل امین گارز گرنه تن انه

محمد (ص) رسول الله  به داد ملت انه

***

ونه بدونم ناف دونیا کجوهه؟

مغرب تا مشرق چند گز و چند وجوهه؟

هفت دریای او چند قطره و چند تپوهه؟

اگه جواب را بتی کل امیر ته بندوه

مکه معظمه ناف دونیا اونجوهه

مغرب تا مشرق خدای یک وجوهه

هفت دریای او علی (ع) ره یک تپوهه

این هم ته جواب بی بور ته آرزوهه

***

کدوم شخصه که نادین دارنه نا ایمون؟

کدوم شخصه که مقصره به زندون؟

کدوم شخصه که شیر هکرده پالون؟

کدوم شخصه که افتاب ره بیارده سامون؟

ابلیس لعین نا دین دارنه نا ایمون

همچنین وه مقصره به زندون

علی (ع) شیر هکرده پالون

خلاق جهون افتاب ره بیارده سامون

***

کدوم مرغه پر دارنه پا ندارنه؟

کدوم سوره وه بسم الله ندارنه؟

کدوم گله وه بو ندارنه؟

کدوم جاهه که مجشگاه ندارنه؟

اون مرغ ماهی هسه پر دارنه پا ندارنه

سوره توبه هسه که بسم الله ندارنه

اون گل پنبه هسه وه بو ندارنه

ته دریل هسه که مجشگاه ندارنه

***

کدوم سازه که دست نزه سرونه؟

کدوم اسبه که مار نزا کروهه؟

کدوم شمعه که شب تا صواحی سوهه؟

کدوم تیغه که استا چکش نزوه؟

اون ساز بلبله که دست نزه سرونه

اون اسب دول دوله که مار نزا کروهه

اون شع ستاره هسه شب تا صواحی سوهه

اون تیغ ذولفقاره که استا چکش نزوهه

***

گل دارمی گلاب ره کورمی؟

شیر دارمی کله قند نبات ره کورمی؟

دین اسلام دارمی جهان ره کورمی؟

روز قیامت دارمی حساب ره کورمی؟

گل دارمی گلاب هم ورنه

شیر دارمی کله قند نبات هم ورنه

دین اسلام دارمی جهان هم ورنه

روز قیامت دارمی حساب هم ورنه

***

ونه بدونم اول و آخر کی هه؟

ونه بدونم پیر منور کی هه؟

ونه بدونم فولاد انور کی هه؟

ونه بدونم شیر دلاور کی هه؟

خالق یکتا اول و آخر وهه

خلاق جهون پیر منور وهه

ذولفقار شاه فولاد انور وهه

علی (ع) شیر دلاور وهه

***

اشعار طالبا

مه طالب گم بیه فصل جوانی

ونه قسمت دیبیه ته خانمانی

ندارمه مار مه سه هاکنه مادری

خردمه مار هاکرده لاغلی سری

دله ره دکرده بیهوشه داری

مه طالب بخرده وا بهیه راهی

لعنت بر خورده مار و شی پسر داری

لعنت بر خورده مار و شی پسر داری

انده بورده طالب میونه هندی

هندی یه کنار داشته جفته انجیلی

ونه بالا نیشبیه کوتر چمپلی

ونه زیر نیشبیه آدم آبی

آدم آبی تو مه طالب ره ندی؟

طالب ره بخرده دریوی ماهی

بزنم سالیک و بیرم طلاجی

گردم ره دکنم رز رز شاهی

طالب مه طالب و طالب فرامرز

هر کجه دری خدا بیامرز

***

طالب ره بدیمه میون هندی

هندی مردمون قلیون او کرده

هندی زنانه وچه رو خو کرده

هندی کیجائونه کشه خو کرده

هندی مردمون چراغ سو کرده

قلی چار بیدار تو مه طالب ره ندی

قلی چار بیدار تو مه طالب ره ندی

قلی چار بیدار تو مه طالب ره بیار

طالب نمو ونه دعا کتاب ره بیار

صد تا گسفن دمه همه وره مار

صد تا مادیون دمه همه کره مار

صدتا گومش دمه همه باقه مار

صد تا شتر دمبه قطار به قطار

صد تمن پول اشمامه دمبه میون

بلکه ول هاکنن طالب نوجوون

گدا کیجا بیمه درمه بیابون

دعا کمبه پیدا بوه مه خاهون

طالب مه طالب و طالب خرما چش

از عشق زهره دل دارنه ناخش

***

عاشقی نکنین عاشقی سخته

عاشقی کره دیم دائم زرده

هر کی عاشقی شه کسب هاکرده

عمره صد و بیسته وه شصت سال هاکرده

عاشقی ره هاکردنه پیغمبرون

یوسف عشق ذلیخا بورده زندون

نجما و رعنا برار بینه سرگردون

خسرو و شیرین بوم دونا دون

مسکین و فاطمه گدای دل بیه خون

حضرت عباس من ته بازوی قربون

دمه ذولفقار هاکرده مسلمون

***

الهی لال بوه عمو ته دهون

دیگه این صوبت ره نیار مه میون

مه سره سیو می بوه مه رنگ دندون

غیر از طالب زهره نیره شه خاهون

صادق گد کله هسه سا تشی دندون

طالب فقط هسه مه جان خاهون

گمبه یا عباس مره صادق نونه

یا امام رضا   مره  صادق  نونه

اون  قفل طلا  مره  صادق نونه

محمد  صل الله  مره صادق نونه

علی  مرتضی   مره  صادق  نونه

مره  طالب  ورنه  و  خدا  ندنه

***

گالشی   هاکرد بیمه  کنار  بیشه

به  درگاه  الله  زهره   ناله  تنیشته

دسه تور بزو  مه جان شه لینگه تاشه

زمینه   هاکرده  ممرزه   ریشه

صد تا گو بزا مه جان نخرده ششه

دکنم  پیله  طالب کم بخت جانه شه

طالب  مه  طالب  طالب  مهربون

گدا کیجا   بیمه  و  درمه  بیابون

***

گرد آوری کننده

میر حمزه طاهری هریکنده ای نوپا

http://www.taheri.blogsky.com

http://www.harikandeh.blogsky.com

http://www.nopa-t.blogfa.com